Vatnaáætlun 2022–2027 – Næsta áætlun í vinnslu
Fyrsta heildstæða Vatnaáætlun Íslands, náði yfir árin 2022–2027. Átlunin var formlega staðfest þann 6. apríl 2022 af Guðlaugi Þór Þórðarsyni, þáverandi umhverfis-, orku‑ og loftslagsráðherra. Áætlunin markaði tímamót í stjórnun vatnamála hér á landi og felur í sér stefnu og aðgerðir til að vernda vatnsauðlindir Íslands, tryggja sjálfbæra nýtingu og stuðla að betri vatnsgæðum til framtíðar.
Umhverfisstofnun leiddi vinnuna við gerð áætlunarinnar í samstarfi við Veðurstofu Íslands, Hafrannsóknastofnun og Náttúrufræðistofnun Íslands. Áhersla var lögð á samráð við sveitarfélög, fagstofnanir og hagsmunaaðila um allt land.
Vatnaáætlunin inniheldur:
Greiningu á ástandi yfirborðsvatns og grunnvatns
Flokkun vatnshlota eftir vistfræðilegu og efnafræðilegu ástandi
Aðgerðaáætlun til að draga úr álagi þar sem ástand er ófullnægjandi
Samræmda vöktunaráætlun á landsvísu
Áætlunin styður við sjálfbæra þróun, grænt hagkerfi og heimsmarkmið Sameinuðu þjóðanna – sérstaklega markmið um hreint vatn og heilbrigð vistkerfi í vatni.
Horft til framtíðar
Hydros fylgist náið með framvindu mála, en vinna við Vatnaáætlun 2028–2033 er nú þegar hafin hjá Umhverfisstofnun. Þar er lögð áhersla á að byggja á gögnum og reynslu síðustu ára og tryggja áframhaldandi vernd vatnsauðlinda Íslands.
Við hjá Hydros fögnum þessum áfanga og tökum þátt í samtalinu um verndun og sjálfbæra nýtingu vatns – einnar dýrmætustu auðlindar þjóðarinnar.
